KeshYOU тобының бұрынғы әншісі ұзатылды (фото)

Отандық шоу-бизнесте өзіндік орны бар КeshYOU тобының бұрынғы әншісі Назым Әбілдина ресми түрде келін атанды. Күні кеше бойжеткеннің ұзату тойы дүркіреп өтті, деп жазады KAZ.NUR.KZ тілшісі.

Назым Әбілдинаның ұзату тойы оңтүстік астананың қымбат мейрамханаларының бірінде өткен. Дүбірлі шараға әнші арудың барша ет-жақыны мен өнердегі бірқатар әріптесі қатысқан.

Олардың арасында Назыммен бірге "Айгөлек" бағдарламасын жүргізген Еркеш Хасен, Әлихан Байсұлтанов да болды. Олар Instagram желісінде ұзату тойдың ерекше кадрларын бөлісті.

Сонымен қатар жастарды арнайы құттықтап Нұрболат Абдуллин де келді. Ол барша қонаққа ән-шашуын тарту еткен.

Айта кетейік, Назым Әбілдинаның таңдауы кімге түскені әзірге белгісіз. Ол сүйіктісі туралы ешқандай ақпарат берген жоқ. Бойжеткен жеке өмірін барынша жасырын ұстауға тырысады.

Мәтіннен қате тапсаңыз, бізге жазыңыз