"Баппен өсіргеніңіз үшін рахмет": Ләйлә Сұлтанқызы анасын туған күнімен ерекше құттықтады (видео)

Отандық тележүргізуші Ләйлә Сұлтанқызы анасын туған күнімен құттықтап, ақ тілегін арнады. Ол анасына деген лебізін Instagram желісінде жариялап, естелік суреттерін көпшілікке бөлісті, деп жазады KAZ.NUR.KZ.

"Тезекке нан жауып, сиыр сауып, ішек-қарын тазалауды үйреткен анашым, туған күніңізбен! Бала үшін анасының амандығы мен бақытты жүзін көргеннен асқан бақыт жоқ. Қанаттыға қақтырмай, қатты сөйлемей, баппен ұстап өсіргеніңіз үшін рақмет. Әрқашан біздің тілеуімізді тілеп отыратын анашым-ай. Дәл қазір кеудеңе басымды қойып, шашымнан иіскегенің жетпей тұр. Әлемді шексіз мейірімділігімен құшағына сыйдыра алатын асылым.

Аллам ғұмырыңызды ұзақ қылсын. Менің ең үлкен махаббатым, Дишинкам (Ләйлә Сұлтанқызының анасы - ред.)", - деп жазды Ләйлә Сұлтанқызы.

Желі қолданушылары да тележүргізушінің анасын туған күнімен құттықтап, желіде пікір қалдырды.

"Анаңыз жүз жасасын", "Немерелерінің қызығын көрсін", "Өмір жасы ұзақ болсын", "Анаңыз аман болсын", - деп жазды желідегілер.

Мәтіннен қате тапсаңыз, бізге жазыңыз