"32 келі жинап алдым": Аша Матай жүктіліктен соң артық салмақ қосып, домаланып кеткенін айтты

Танымал әнші әрі тележүргізуші Аша Матай өзінің артық салмақпен күрескенін жасырмай айтты. Әншінің сөзінше, ол жүктіліктен кейін ісініп, домаланып қалған, деп жазады "Қыздар-ай" жобасына сілтеме жасаған KAZ.NUR.KZ.

"Босанған соң 32 келі жинап алдым. Көрермендерім де көп сұрап жатады. Бойым 158 сантиметр, босанғанға дейін 47 келі болдым. Кейін 52-ге көтерілді, солай жинай бердім. Мен үшін бұл қорқынышты болдым. Ісініп, домаланып жүрдім. Нақты неден арықтағанымды білмеймін.

Қозғалыс қой. Спортпен айналыстым, ПП-ға отырдым демеймін. Арықтатын дәрілерді де іштім. Бір айтарым - мұндайды ішпеңіздер. Кейін менің суретім қойылған түрлі дәрілер шығып кетті. Оған да сенбеңіздер. Мен ондайды ішпеймін", - деді Аша Матай.

Айта кетелік, бұған дейін Аша Матай актрисалықты неліктен тастап кеткенін ашып айтқан болатын.

Сондай-ақ әнші тұңғышы өмірге келгеннен кейін күйеуімен арада қандай қиындықтар болғанын да жасырған жоқ.

Мәтіннен қате тапсаңыз, бізге жазыңыз