Жаңа көлік пен 1500 раушан гүлі: Ернар Айдар анасының 60 жасын дүркіретіп атап өтті (видео)
Опубликовано:
Қазақстандық шоу-бизнес жұлдызы Ернар Айдар анасының 60 жасына орай дүркіретіп той жасады. Әнші барша жақындарының алдында аяулы анасына жаңа көлік пен 1500 раушан гүлін тарту етті, деп жазады KAZ.NUR.KZ.
Ернар Айдар барша ағайын-туыс, жақындарының басын қосып, анасының 60 жас мерейтойы дүркітеріп атап өткен. Өнер иесі дүбірлі тойдың қалай өткенін Instagram парақшасында көрсетті.
Ол мерекелік шарадан әсерлі видео жариялап, қалың көпшілікті тәнті етті. Ернар Айдар той үстінде бауырларымен бірге анасына тосынсый жасап, жаңа Toyota RAV4 көлігінің кілтін табыстаған.
Оған қоса әнші өзіне өмір сыйлаған анасына көпшілік алдында 1500 раушан гүлін сыйлаған. Алайда артынан әнші жұғысты болсын деген ниетпен барша қонақтарға гүлдерді таратып берді.
Желі қолданушылары Ернар Айдардың анасына деген құрметін аса жоғары бағалап, жылы лебізін білдіруде.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2054287-zana-kolik-pen-1500-rausan-guli-ernar-aidar-anasynyn-60-zasyn-durkiretip-atap-otti-video/