Абай әнін әлемдік классикамен синтездейтін виртуоз-пианист әлемнің ең үлкен сахнасында өнер көрсеткісі келетінін айтты (видео)

Қазақстандық танымал виртуоз-пианист Алияр Өтетілеу Абай әнін әлемдік классикамен синтездейді. Өнер иесі "Таңшолпан" бағдарламасында өзі жайлы сыр шертті, деп жазады KAZ.NUR.KZ.

"Кішкентайымнан музыкалық қабілетім білінді. Үйімізде фортепиано тұратын. 4-5 жасымда бастадым. Ахмет Жұбанов атындағы дарынды балаларға арналған мектепке түстім. Сосын консерватория оқыдым. Кейін магистратурасын оқыдым. Білім алғаныма жиырма жылға жуықтады", - деді Алияр Өтетілеу.

Сонымен қатар виртуоз-пианист Карнеги-Холлда концерт бергісі келетінін айтты.

"Романтизм, Шопеннің лирикасы жаныма жақын. Еңбектің арқасында шабыт та, табыс та келеді. Музыкант болғаннан кейін әлемнің ең үлкен сахнасында өнер көрсеткім келеді. Карнеги-Холлда концерт берсем, арманым болмас еді", - деді Алияр Өтетілеу.

Мәтіннен қате тапсаңыз, бізге жазыңыз