Абай Бегей отбасымен Катарда қалай демалып жатқанын көрсетті (фото, видео)

Отандық танымал әнші Абай Бегей Катар еліне демалуға ұшып кетті. Өнер иесі бұл сапарға отбасымен бірге аттанған, деп жазады KAZ.NUR.KZ.

Абай Бегей ыстық мекендегі демалысы қалай өтіп жатқанын Instagram парақшасында көрсетті. Әнші бұл саяхатына келіншегі мен балаларымен бірге барған.

Жұлдызды жанұя Доха қаласының әсем жерлерін аралап, желіде түрлі фото мен видео жариялап жатыр.

"Катардан жалынды сәлем! Әдемі демалыс болып жатыр", - деп жазды әншінің келіншегі.

Алайда отбасылық сапарға әртістің үлкен ұлы мен келіні бармаған көрінеді.

Абай Бегей жанұясымен өткізген демалыстан керемет әсер алып жатқанын айтты.

Желі қолданушылары бірлігі жарасқан отбасыға тәнті болып, оларға жақсы демалыс тіледі.