"Әнші екенімді ұмытпайын": сахнадан көрінбей кеткен Сырым Исабаев ел алдына шықты (видео)

Ұзақ уақыт бойы сахнадан көрінбей кеткен Сырым Исабаев ел алдына шығып, ән шырқады. Желіде өнер иесінің видеосы тарап, елдің ыстық ықыласына ие болды, деп жазады KAZ.NUR.KZ.

Сырым Исабаевтың отырыста ән айтып жатқан видеосы Tik-Tok желісінде тарап кетті. Бейнежазбаны әншінің өзі де Instagram-дағы парақшасына жүктеп қойған.

Белгілі болғандай шоу-бизнес жұлдызы сыныптастарының 20 жылдық кездесуінде өнер көрсеткен. Исабаев көңілді кеште репертуарындағы "Мен сені сүйеді екем" атты әнін орындаған. 

"Өзімнің әнші екенімді ұмытайын деппін. Бар болайық. Осындай видеолар келіп тұрады", - деген жазба қалдырды әнші.

Желі қолданушылары өнер иесіне жылы лебізін білдіріп, одан көп әндер күтетінін жарыса жазуда.

"Ерекше әнші ғой. Аман болыңыз, бар болыңыз", "Жоғалып кете бермей, осылай өнер көрсетіп тұрсаңызшы", "Сахнаға қайтадан жарқ ете қалғаныңызды күтіп жүрміз", "Сахнаға оралыңыз, аға. Сіздің әндеріңізді сағындық", "Қайда жүрсіз? Қайда болдыңыз? Ағасы қоңыр дауысыңызды тыңдап өстік. Сағындық", - деп жазуда оқырмандар.

Мәтіннен қате тапсаңыз, бізге жазыңыз