"Оның құшағы кең, жүрегі жылы": әнші Балжан Бидаш желіде әсерлі видео жариялады

"Кешью" тобының бұрынғы әншісі Балжан Бидаш желіде әсерлі видео жариялап, елдің ыстық ықыласына ие болды. Өнер иесі мерекелік шарада экс-продюсерімен бас қосқан, деп жазады KAZ.NUR.KZ.

Балжан Бидаш отандық сән үйінің жабық көрсетіліміне қатысып, ол жерде бұрынғы продюсерімен кездесіп қалған.

"Өте әдемі кеш болды. Сағынған жандармен кездестік", -деп жазды шоу-бизнес жұлдызы.

Әнші ару мерекелік шара кезінде өнердегі ұстазымен түскен ерекше видеосын Instagram-дағы парақшасында жариялаған. Онда өнер иесінің экс-продюсерін құшақтап, оған еркелеп отырғанын көруге болады.

"Оның құшағы кең, жүрегі жылы. Кезінде айтқан әңгімелерін есейіп, енді түсініп жатқанымды айтып, бір күліп алдық", - деп жазды Балжан Бидаш.