"Фариза, оралшы": актер Нұрсұлтан Жақсыген бұрынғы әйелінен кешірім сұрап, жылап қалды

Белгілі актер Нұрсұлтан Жақсыген бұрынғы әйелімен қайтадан қосылғысы келетінін айтып, бағдарлама эфирінде көзіне жас алды, деп хабарлайды "Менің өмірім" бағдарламасына сілтеме жасаған KAZ.NUR.KZ.

Нұрсұлтан Жақсыген осы уақытқа дейін әйеліне екі рет барып, кешірім сұрағанын, алайда ол қабыл алмағанын жеткізді. Актер отбасын сақтап қалуға бар күшін салып жатқанын айтты. Ол қазір шаңырағы қаңырап бос қалғанын жеткізіп, ағынан жарылды. Актер эфирде кешірім сұрап, өтініш айтты.

"Отбасын сақтап қалу – әрбір ер-азаматтың міндеті. Қателескен жерлерім болса, кешірім сұраймын. Халықтың алдында, өз ата-анамның, ол кісінің ата-анасының алдында кешірім сұраймын. Алла қаласа, отбасымды сақтап қалуға бар күшімді салуға тырысамын", – деді актер.

Мәтіннен қате тапсаңыз, бізге жазыңыз