Жұбайы мен қызын перзентханадан шығарып алған Бүркіт ерекше видеоны бөлісті (видео)
Опубликовано:
Қазақстандық әнші Айбек Жансейітов (лақап аты Бүркіт - ред.) әйелі мен жаңа туған қызын перзентханадан үйіне әкелді. Кішкентай немересін көрген Бүркіттің анасы көз жасын жасыра алмады, деп жазады KAZ.NUR.KZ.
Отбасындағы қуанышты жайттың видеосын әнші желідегі парақшасында бөлісті.
Жұлдызды жұп төртінші сәбиін у-шусыз өздері ғана шығарып алуды жөн көрген. Көпбалалы ата-ана атанған Аиша мен Бүркіттің екі ұл, екі қызы бар.
"Ешкімге айтпай , роддомнан кетіп қалдық. Үйге келдік аман-есен! Үйге келсек, мамамның көңілі босап…" , - деп жазды әнші.
Желі қолданушылары болса, жаңа туған сәбиге денсаулық, жас босанған анаға денсаулық тілеп, тезірек қалпына келуіне тілектестік білдірді.
"Қуаныштарың құтты болсын! Апамызға құдай қуат берсін!", "Анаңыздай сұлу,сабырлы,ақылды болып,Аишадай күлімдеп тұратын қыз болсын,бауы берік болсын!", - деп жазды олар.
Бұған дейін Қазақстан эстрадасының жұлдыздары Бүркіт пен Аиша көпбалалы ата-ана атанғанын жазған едік. Аиша қыз баланы өмірге әкелген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2247081-zhubaiy-men-qyzyn-perzenthanadan-shygaryp-algan-burkit-erekshe-videony-bolisti-video/