"Алла сақтап қалды": Досымжан Таңатаров жолда оқыс жағдайға тап болған (видео)

Белгілі әнші Досымжан Таңатаров жолда оқыс жағдайға тап болған. Бұл туралы ол әлеуметтік желідегі парақшасында жазды, деп хабарлайды KAZ.NUR.KZ.

Желіде тасжолда тұрған видеосын жариялаған әншінің айтуынша, жолда келе жатып көлігінің дөңгелегі ұшып кеткен. Абырой болғанда ешкім зардап шекпеген.

"Дұғамыз қабыл болған шығар. Алла сақтап қалды, жолда байқап жүріңіздер, дөңгелек болтын жиі тексеріп тұрыңыздар. Жаңарқалық Қуаныш, Абзал інілеріме Алла разы болсын, тез жөндеп жолға салып жіберді", - деп жазды әнші Instagram-дағы парақшасында.

Желі қолданушылары әншінің амандығын тілеп, жолда байқап жүруге шақырған.

"Алла сақтап қалған екен, ғұмырлы болыңыз", "Аман болыңыз!", "Құдай сақтаған екен аға. Жол амандығын берсін!", "Байқап жүріңіздер", "Амандығыңызды тілейміз, жолда сақ болыңыздар", - деп жазған желі оқырмандары.

Посмотреть эту публикацию в Instagram

Публикация от Досымжан Танатаров (@dossymzhan_tanatarov)

Мәтіннен қате тапсаңыз, бізге жазыңыз