RU

Қазақстандықтар қазақ тіліндегі ең әдемі сөзді таңдады

Stan.kz қолданушылары қазақтың "айналайын" сөзін ең әдемі сөз деп атады деп хабарлайды NUR.KZ порталы.

“Айналайын” сөзі - жасы кішілерге сүйіспеншілігін немесе алғысын білдіруде пайдаланылатын өзге тілде тікелей аудармасы жоқ сөз.

Рейтингте екінші және үшінші орынға көпшіліктің алғаш айтқан сөздері – “ана” және “әке” тұрақтады.

Ең сүйікті сөздер қатарында жақындарға айтылатын “жаным” сөзі жүр.

Бесінші орынды “аяулым” сөзі иеленді. Одан кейін "құлыным", “рахмет”, “атамекен”, “сезім” және “арман” сөздері де ең әдемі сөздер қатарынан табылды.

Ал ең әдемі естілмейтін сөз “құқық” екен. Дегенмен көптеген қолданушылар ана тілінде әдемі емес сөз жоқтығын алға тартты.

Мақаланың түпнұсқасы: https://kaz.nur.kz/society/1062383-qazaqstandyqtar-enh-ademi-qazaq-sozin/