RU

Апатты жағдайда қонған Bek Air ұшағына қатысты қылмыстық іс қозғалды

Астанада апатты жағдайда қонған Бек Эйр компаниясының ұшағына  қатысты қылмыстық іс қозғалды деп хабарлайды Қазақстанның бас көлік прокуратурасына сілтеме жасаған NUR.KZ.

"2016 жылдың 27 наурызы күні сағат 10:36-да "Қызылорда-Астана" бағытында қатынайтын Бек Эйр әуе компаниясына қарасты  Foker-100 ұшағы апатты жағдайда Астана әуежайына қонды. Бортта барлығы 121 адам болған. Бесеуі экипаж мүшесі болса, 116-сы жолаушы. Алдын ала болжам бойынша, апатқа алдыңғы шассидің ашылмай қалғаны себеп болған", - делінген хабарламада.

Аталған факт бірыңғай реестерге тіркеліп, соталды тергеу жұмыстары басталды.

Бек Эйр - ішкі рейстерді орындайтын аз бюджетті әуекомпания. Бүгінде компанияға тиесілі ұшақтар Алматы мен Астана, Атырау, Ақтау, Ақтөбе, Қостанай, Павлодар, Қарағанды, Орал, Шымкент, Қызылорда, Жезқазған қалаларына және Орал қаласынан Мәскеу мен Санкт-Петербургке, ТМД-ның бірнеше қаласына қатынайды.

Мақаланың түпнұсқасы: https://kaz.nur.kz/society/1082165-apatty-zhaghdayda-qonghan-bek-air-ushaghyna-qaty/