RU

Мұхтар Тайжан: Халықтың ұстанымы айқын, жерімізді не сатуға, не жалға беруге болмайды

Жер мәселесі бойынша 75 адамнан тұратын комиссияның құрамына енген белгілі саясаткер, экономист Мұхтар Тайжан аталған мәселеге орай өз пікірін білдірді деп хабарлайды dalanews.kz.

"Достар, неге уайымдайсыздар? Комиссияда олар көп, біздікілер аз деудің жөні бар ма? Комиссияның құрамы 75, әлде 175 болса да айырмашылығы шамалы! Себебі көпшілік – ол халықтың өзі! Ал халықтың ұстанымы айқын: шетелдіктерге жерімізді не сатуға, не жалға беруге болмайды, болды. Біз соны қағазға шығарып, заң қылып, бекітіп алуымыз керек. Біздің миссиямыз сол ғана", - дейді саясаткер.

Мұхтар Тайжан өзінің еш уайымсыз отырғанын алға тартты.

"Мен мысалға мүлдем уайымсыз, сабырлы болып отырмын. Бұл комиссияда жалғыз өзім (ал, жалғыз емесім белгілі, жанымда халықтың сөзін сөйлейтін жігіттер бар) болсам да, көпшілік біз жақта екенін жақсы білемін. Олар да мұны жақсы біледі", - деп жалғастырды ол.

Саясаткер халықты тым ерте уайымдамауға шақырды.

"Біз халықтың өте қарапайым ұстанымын ұстаймыз. Себебі біздің артымызда Сіздер тұрсыздар – халық, жер, әруақтар, бала-шағамыз. Астанада болсам да осында байланыста боламыз ғой. Сондықтан тым ерте уайымдамаңыздар. Бәрі де жақсы, ойдағыдай болады!", - деп түйді Тайжан.

Осы тақырып бойынша оқыңыздар:

Оралда алаңға жиналған тұрғындарға басшылар ұсыныстарын «жоғарыға» жеткізуге уәде берді (фото)

Бекболат Тілеухан  жер мәселесіне қатысты пікірін екіұшты жазбасымен жеткізді

Шетелдіктер қазақстандықтарды пайдалану арқылы жер иеленіп кетпей ме

Назарбаев шетелдіктерге жерді жалға беруге уақытша тыйым салды

Назарбаев жер кодексіндегі өзгертулерге мораторий жариялады (видео)

Мақаланың түпнұсқасы: https://kaz.nur.kz/society/1127684-mukhtar-tayzhan-khalyqtynh-ustanymy-ayqy/