Министрлер "майданы": Мұхамедиұлы Білім министрі Сағадиевті сөкті

Опубликовано:

Мәдениет және спорт министрі Арыстанбек Мұхамедиұлы елбасы еліміздің білім саласындағы үштілділікті тоқтатқанын айтып, Білім және ғылым министрі Ерлан Сағадиевті өзімбілермендікке салынып кетті деп айыптады.

Мұхамедиұлы тіпті Сағадиевке кімдердің жалынғанын да мәдениет және спорт жөніндегі қоғамдық кеңесте жайып салған деп жазады rgmedia.kz.

«Тіл саясатын дамыту оңай емес. Шынын айту керек, жер мәселесі қозғалардың алдында үштілділікке қатысты қозғалыс болған. Сол кезден бастап өзіміз икемсіз қимылымызбен халықтың көңілін біршама өзгертіп алдық да, оның үстіне жер туралы кодексті кіргіздік. Сонымен қазір мүлдем ыңғайсыз жағдайда отырмыз», - деді министр деп хабарлады baq.kz ақпараттық порталы .

Министрдің айтуынша, бұған дейін зиялы қауым өкілдері үш тілді оқыту жүйесімен асықпауды сұраған.

«Бір жиналыс болды, шыны керек. Міне, Мырзатай (Жолдасбеков – авт.) ағамыз отырды, Нұрлан Оразалин отырды. Менің коллегам (білім және ғылым министрі Ерлан Сағадиев – авт.) отырды. (Ағалалар – авт.) жалынып тұрып айтты, осы үштілділікті асықпайықшы деп, қазақ тілі мен қазақ әдебиетін әзірше қоспайықшы, тұра тұрайық деп. Алдымен филологияны реттеп алайық. Әдебиетті...Бір сағат екеуі екі жақтан жалынды. Жоқ, қоймай, ендігі аптада заң қабылдаймын, сүйтем-бүйтем деді. Қазір енді көріп тұрсыздар, Елбасы үш тілдікті де тоқтатты, 12 жылдық бар, жаздық каникул бар. Әрине, ойы дұрыс. Бірақ соны ақылдаспай шешемін дегені кері әсерін тигізіп жатыр», - деп атап көрсетті Арыстанбек Мұхамедиұлы.

Тағы да оқыңыздар:

Дос Көшім: Жерді сату мен жалға берудің айырмасы шамалы

Атырау облысының әкімі митингте берген уәдесін бұзбадым деп есептейді

Мұхтар Құл-Мұхаммед: Жерді жекеменшікке беру қазақ үшін жаңалық емес

Сағадиев: Жердің қадірін білмейтін елдердің қатарындамыз

Mұхтар Тайжан: Қазақ мүддесі үшін сайтанмен де келісімге келуге əзірмін

Атырауда 24 сәуірдегі митингте бата берген белсендінің үйі тінтілді

Мақаланың түпнұсқасы: https://kaz.nur.kz/society/1135814-ministrler-maydany-mukhamediuly-bili/