Мұхтар Тайжан: 1083 адамды тұтқындаған полиция өз істеріне жауап беруі тиіс

Опубликовано:

Үкімет жанындағы Жер комиссиясы құқықтық жұмыс тобының жетекшісі Мұхтар Тайжан 21 мамыр күні республика бойынша мыңнан астам адам ұсталғанын мәлімдеді.

Бұл туралы Qamshy.kz хабарлайды.

Құқықтық топтың алғашқы отырысынан соң журналистерге топ жетекшісі 21 мамыр күні ел бойынша 1083 азаматтың тұтқындалғанын жеткізді.

«2016 жылғы 21 мамыр күні 1083 азамат ұсталған. Олардың ешқайсысы бұзақылық жасамаған. Олардың барлығы сауатты, патриот азаматтар. Біз ХХІ ғасырда өмір сүрудеміз, мұндай әрекеттерден тартынуымыз керек. Ұсталғандар Атырау, Орал, Алматы, т.б. қалалардың тұрғындары. Бұл ақпаратты мен құзырлы дереккөздерден алып отырмын», - дейді Тайжан.

Сондай-ақ, Мұхтар Тайжан Бас прокурордың орынбасары Андрей Кравченкомен кездесіп, ұсталғандар бойынша Бас прокуратураның алдына нақты мәселе қоятынын айтты.

«Бас прокурордың өзімен кездескім келген. Бірақ, олар Кравченкомен ғана кездесу мүмкін екенін айтты. Олардан мен осы ұсталғандардың ісін жеке-жеке талдауды талап етемін. Ұсталғандар еш бұзақылық жасамады. Олар біздің азаматтарымыз. Ешкімге тиіспей, өзімен-өзі тұрған азаматтарды ұстап, алып кеткен. Полиция өз істеріне жауап берулері керек», - дейді ол.

Бұдан бұрын Мұхтар Тайжан Астанадан Алматыға арнайы келіп, 21 мамыр күні түнде әкімшілік сотқа тартылғандармен жүздескенін, 22 мамыр күні Алматыда заңсыз ұсталған азаматтардың арыз-шағымдарын жинағанын жазған болатын.

Тағы оқыңыз:

Құрылыс компаниясын бетімен жіберген Шымкент басшылары облыс әкімінен ұрыс естіп, тынды

Қазақстанның Үндістандағы бұрынғы консулы мемлекетке $200 мың залал келтірген

Жалғызбасты әйелдерге алимент енді мемлекет есебінен төленуі мүмкін

Шымкенттік полицей Айгерім Оспанбекованың отбасына көңіл айтып, жүрек тебірентер хат жолдады

Шымкент тұрғындары тегін жер телімін алу үшін өтініш тапсырып жатыр

Мақаланың түпнұсқасы: https://kaz.nur.kz/society/1139693-mukhtar-tayzhan-1083-adamdy-tutqyndaghan-po/