Шымкентте жоғалып кеткен 16 жастағы қыз бір апта бойы құрбысының үйінде тығылған

Шымкент қаласының полицейлері із-түссіз жоғалып кеткен 16 жастағы Айдана Қахраманованы аман-есен тапты деп хабарлайды ОҚО ІІД баспасөз қызметі.

Бұл туралы skifnews.kz хабарлайды.

Жеткіншек 28 шілде күні күндізгі сағат екілер шамасында үйінен шығып, қайта оралмаған. Айдананың ата-анасы оны үш күн бойы өз күштерімен іздеп табылмаған соң, 31 шілдеде полиция бөлімшесіне арызданды. Анасының айтуынша, жеткіншек қызы қайда кететінін алдын ала ескертпеген екен.

Айдана Қахраманованы іздеуге Әл-Фараби аудандық ІІБ-нің жеке құрамы толықтай жұмылдырылды. Тіпті, облыстық Ішкі істер департаментінің мамандары да жоғалған қызды іздеу үшін оның жақын таныстарынан сұрақ-жауап алды. Нәтижесінде, Айдананың құрбысының үйінде жасырынып жатқаны анықталды.

Бүгін 4 тамызда полицейлер жүргізген шұғыл іздеу шаралары барысында Айдана Қахраманова Шымкенттегі пәтерлердің бірінен аман-есен табылып отыр. Ол әзірге белгісіз себептермен осы үйде жасырынып жатыпты. Қазіргі таңда полицейлер қызды ата-анасына қайтарды.

Мәселенің мән-жайын білу мақсатында тәртіп сақшылары Айдана мен оның туыстарынан жауап алуда.

Тағы да оқыңыздар:

Шенеуніктердің миллионер ұл-қыздары елге бір тиын да салық төлемейді

Астананың іргесіндегі 27 мың гектар жер Германия азаматына тиесілі болып шықты

Оңтүстікке келін болған якут қызы қалай қазаққа айналды?

Ерке Есмахан өзін «Мона Лизаға» теңеп, ел назарына ілікті

Еліміздегі қазақ тілінде еркін сөйлейтін танымал өзге ұлт өкілдері (фото, видео)

Аздап салмақ қосқан Мөлдір Әуелбекованы жұрт аяғы ауыр деп болжады (фото)

Күйеуіңіздің көзіңізге шөп салып жүргенін қалай байқауға болады?