Ақтөбеде 22 жастағы келіншекті қайын ағасы үйден қуып жіберген

Опубликовано:

Ақтөбеде 22 жастағы келіншек сот жағалап жүр. Ол өзін аяусыз соққының астына алған жолдасын жазалауды көздейді деп хабарлайды өңірдегі NUR.KZ тілшісі.

«Тұрмыс құрғаныма 2 жыл болды. Екі қызым бар. Құршысай ауылында енемнің қолында тұрдық. Жолдасым бұрын үйленген адам. Мен оның екінші әйелімін. Ол ашуланған кезінде маған қол көтереді. Бір рет теледидар қарап отырған кезімде «Бұл үйге қатын бола алмайсың» деп ұрысып, сол жерде айқай болып, таяқ жедім.

Мені қуып жіберу үшін мамасы інісін шақырды. Көкесі бір баламды жетектетіп үйден шығарып жіберді. Емшектегі екінші баламды «баға алмайсың» деп енем бермей отыр», - дейді Ақгүл Амангелдиева.

Келіншек өзінің отбасылық өмірі таяқ жеумен өткенін айтады. Сол себепті де күйеуінің соққыға жыққанын айтып, сотқа арыз жазған.

«Үйде үнемі ұрыс-керіс. Бір рет мені ауру деп жындыханаға жатқызбақ болды. Дәрігер шақырып, жүйке жүйесі ауыратындардың ауруханасына апарып тастауды сұрады. Бірақ, олар мені алып кеткен жоқ. Жолдасымның ашуланған кезде көзі көрмей кетеді. Ол үйге қонақ келіп жатқанда қарындасының басын ісіріп қойған. Мамасының да «жұмысқа кір» деген сөзін көтере алмай өз шешесіне қол көтерді», - дейді Ақгүл.

Келіншек енді жолдасымен ажырасып, Оралда жекенің малын бағатын әкесінің қолына барып тұратынын айтты.

Тағы оқыңыздар:

ОҚО-да аудан әкімі алғыс айту күнінде халықтың ризашылығына бөленді (фото)

Сегіз рет тұрмысқа шыққан Алматы тұрғыны тағы да ажырасып жатыр

"Барселона" клубының бас бапкері қызметінен кеткелі жатыр

Димаш Құдайберген: Мен қазірдің өзінде жеңімпазбын (фото)

Отандық шоу бизнестегі тағы бір топтың құрамы өзгерді

Мақаланың түпнұсқасы: https://kaz.nur.kz/society/1426204-aqtobede-22-zhastaghy-kelinshekti-qayyn-agh/