Маңғыстау облысында жергілікті экологтар жұмыртқадан улы химикат тауып, дабыл қағуда
Опубликовано:
Бұл азықтың құрамынан кәдімгі пластмассаларда кездесетін қауіпті қоспа анықталған. Оның әсері бірден білінбегенімен, уақыт өте келе белсіздік пен бедеулікке әкеледі екен. Десе де, қолдың жұмыртқасын күнделікті сүйсініп жейтін батыстықтар бұдан еш сескенбей отыр деп хабарлайды КТК арнасы.
Маңғыстаулық экологтар енді жұмыртқа жемейтін болыпты. Тауық өнімін тексеріп шыққан мамандар оларда ақуыз бен сарыуыздан бөлек, гексабромциклододекан деп аталатын қауіпті химиялық зат барын анықтаған.
"Тексеру кезінде жұмыртқалардан диоксин секілді бірқатар химиялық қоспалар анықталды. Олар көбіне көлік бөлшектерінде, пластмассаларда кездеседі. Құстар үнемі қоқыс арасында жүреді. Сондықтан қазір олардың өнімін тұтыну қауіпті", - дейді эколог Кирилл Осин.
Ал сараптама Чехияда жүргізілген. Елімізде азық-түлікті жан-жақты тексеретін зертхана болмағандықтан, жергілікті экологтар жұмыртқаларды сонда жіберіпті. Халық көп тұтынатын азықтан улы химикат аса көп мөлшерде бұған дейін Германияда анықталған болатын. Ал біздегі көрсеткіш одан тоғыз есе асып түсіпті.
"Бұл химикаттар тобы адам ағзасына бірден әсер етпейді. Әсері 10 жылдан кейін байқалуы мүмкін. Әрі ол қан арқылы ұрпағына беріледі. Соның салдарынан адам қатерлі ісікке немесе белсіздікке, бедеулікке ұшырауы ықтимал", - дейді эколог-дәрігер Мартин Скальский.
Бірақ белсіздік те, бедеулік те батыстықтарды қорқытып отырған жоқ. Қайта бұл өнімді күнде жейтін тұрғындар қолдың жұмыртқасынан пайдалы ас жоқ дейді.
"Сол күнде туғанын жеп жатамыз енді. Комбикорм, көкшөбін береміз. Нан береміз. Аптасына екі рет дәрісін береміз", - деп отыр Басқұдық ауылының тұрғыны Ербол Қыдыров.
Бұған дейін жергілікті экологтар шұбаттан да шикілік тапқан болатын. Онда да ұлттық сусында сан түрлі бактерияның бары айтылған. Сарапшылар бұған Маңғыстау экологиясының нашарлығы себеп деп отыр.
Оған кінәлі мал емес, тұрғындардың өздері. Қоқысты беталды тастап, ал тауық, түйе атаулы содан қоректенген.
Бұл жаңалықты Whatsapp арқылы немесе әлеуметтік желіде бөлісіңіз
⇓⇓⇓
Тағы оқыңыздар:
Тікелей эфирге шыққан блогердің жанына метеорит құлап түсті (видео)
Ақтөбеде "Бәйтерек" монументі тұрғызылмай жатып қирап жатыр (фото)
Жұмыс таба алмаған астаналық жігіт анасына масыл болмас үшін түрмеге отырды
Теракт құрбандарын еске алу кешінде орынсыз әзілдеген журналист масқара болды (видео)
Мақаланың түпнұсқасы: https://kaz.nur.kz/society/1465323-manhghystau-oblysynda-zhergilikti-ekol/
