Алматыда дәмхана қызметкері тауып алған 5 млн теңгені иесіне қайтарып берді

Алматыда суши-бар қызметкері тауып алған 5 млн теңгесін иесіне қайтарып берген. Бұл туралы ҚазАқпаратқа дәмхана әкімшісі Әділет Әбілов айтып берді деп хабарлайды NUR.KZ.

Әділет Әбілов айтуынша, бұл оқиға 1 қарашада болған.

«Дәмханаға екі ер адам келіп тамақтанды. Біраз уақыттан соң олар шығып кетті. Сол жерді тазалауға барған Бақыт есімді қызметкер борсетка тауып алған. Ішіндегі қомақты соманы көрген соң Бақыт ақшаны қайтарып беруді ойлайды. Сөмкеден телефонға ақша салған чекті тауып алып, телефон нөміріне звондап шақырған. 40 минуттан соң Темірлан есімді жігіт келді. Ол Бақыттың іс-әрекетіне риза болып, 100 000 теңге көлемінде сыйақы қалдырды», - дейді Әділет Әбілов.

Дәмхана әкімшісінің айтуынша, Бақыт өзгенің ала жібін аттамайтын өте адал жан екен.

«Қызметкер ретінде, әріптес ретінде бағалаймыз. Айдың соңында басшылық оған сыйақы беретін болып шешім шығарды», - деді Әділет.

Тағы оқыңыздар:

Төрт баланың анасы қаржы полицейлерінен көрген қорлығын жайып салды (фото)

Қарағанды облысында екі баланың анасы із-түзсіз жоғалып кетті (фото)

Семейлік хас сұлу Мәскеудегі сұлулық байқауында бас жүлдені жеңіп алды (фото)

Қазақстан тумасы кәсіпқой бокстағы 22-ші жеңісіне қол жеткізді

Сауд Арабиясында 11 ханзада мен төрт бірдей министр қамауға алынды