Боран және көктайғақ: Демалыс күндері ауа райы қандай болады?

Қазақстанның ауа райына циклон әсер етіп, еліміздің басым бөлігінде жауын-шашын түседі. Қазақстанның басым бөлігіне циклон ықпал етіп, соған байланысты атмосфералық фронттардың салдарынан жауын-шашын түседі, көктайғақ болады, бұрқасындатады, деп хабарлайды "Қазгидромет".

Ақмола, Солтүстік Қазақстан облыстарында кей жерлерде тұман түседі, түнде және таңертең кей жерлерде желдің екпіні 15-20 м/с, түнде Ақмола облысында төменнен соққан боран болады.

Қарағанды, Шығыс Қазақстан облыстарында кей жерлерде желдің екпіні 15-20 м/с, боран соғады, Шығыс Қазақстанда кей жерлерде көктайғақ болуы ықтимал. Жамбыл, Оңтүстік Қазақстан облыстарында кей жерлерде желдің екпіні 15-20 м/с, тұман, Жамбыл облысында — көктайғақ, төменнен соққан боран.

Маңғыстау, Қызылорда облыстарында кей жерлерде тұман, көктайғақ. Қостанай, Алматы, Батыс Қазақстан облыстарында кей жерлерде тұман түседі.