Әділет министрі: Парамен ұсталғандардың мәселесімен жеке өзім айналысамын

Қазақстанның Әділет министрі Марат Бекетаев Астана әділет департаментінде ұсталғандарға қатысты пікір білдірді, деп хабарлайды ҚазАқпаратқа сілтеме жасаған NUR.KZ.

"Бұл өте аянышты. 2017 жылы мұндай жағдай болмап еді, күтпеген жерден осылай болды. Өте қатаң шаралар қолданылады. Өзім айналысамын, осындай жағдайға қалайша жол берілгенін анықтаймыз. Мен мына жаңалықтан түңіліп отырмын", - деді министр.

Еске сала кетейік, елордалық әділет департаменті басшысының орынбасары мен басқарма бастығы 22 миллион теңге мөлшерінде пара алды деген күдікпен ұсталған болатын.