Атышулы Жан Ахмадиев енесі мен әйелін сабап тастаған досын құрметтейтінін айтты

Атышулы Жан Ахмадиев енесі мен әйелін қосып сабап тастаған досы туралы айтып, оның құрметіне алтын тас орнату керек екенін айтты. Айтуынша, енесін сабаған еркектер аз. Бұл туралы оның Instagram парақшасына сілтеме жасаған NUR.KZ хабарлайды.

"Өткен жылы бір əріптесім қатыны мен енесін бір бұрышқа тақап алып сабаған. Содан енесі арыз жазып, досым 15 тəулік РУВД-да отырып шықты. Ол да ішпей-жемей ененің "дедовщинасында" 4 жылдай жүрген ғой. Шыдамы шегіне жетіп, 4 жыл дух жинап, төңкеріс жасады.

Красавчик! Енені сабаған еркектер өте аз. Қазір "қызыл кітапқа" еніпті. Кейін байып жатсам басына алтын тас орнатам ба деп қоям",. - деп жазды ол.

Ал оның бұл жазбасын оқыған желі қолданушылары досының әрекетін қолдаған рэперді жерден алып, жерге салды. Үлкен, оның үстіне анасындай адамға қол көтерген күйеубаланы олар "еркек емес" деп сөкті.