Журналист: Қайрат Нұртас Дима Билансыз-ақ танымал болды

Бүгін елордада өтіп жатқан "Өңірлік БАҚ" форумында өңірлік БАҚ басшыларының бірі қазақ жəне орыс тілді журналистиканы салыстырмау қажеттігін айтты деп хабарлайды NUR.KZ.

Журналистің сөзінше, аталмыш форумды желі қолданушыларының арасында орыс тілінде өтті деп сөгіп жатқандар бар екен. Бірақ ол мұндай пікірден аулақ болу керек деп санайды.

"Кеше ғана Facebook əлеуметтік желісінде аталған форум орыс тілінде өтіп жатыр деген сынды естіп жатырмыз. Осыған орай менің айтарым, қазақ жəне орыс тілді БАҚ-ты салыстыруды қояйықшы. Сол үшін орыс тілді БАҚ-ты кінəламайық", - дейді ол.

Журналист осы орайда Қайрат Нұртас пен Дима Биланды мысалға келтіріп, халыққа БАҚ арақатынасын барынша түсіндіруге тырысты.

"Қайрат Нұртас Дима Билансыз-ақ танылды ғой. Қазір қаншама жастар оны тыңдайды. Сондықтан қазақ тілді БАҚ-тың болашағы жарқын, аудиториясы бар", -дейді журналист.