Алматыда ақыл-есін жоғалтқан әжейлер табылды (фото)

Опубликовано: 04 қазан 2018, 22:25

Алматыда ақыл-есін жоғалтқан бес әжей қайта оңалту орталықтарында өзінің жақындарын күтуде деп хабарлайды КТК арнасына сілтеме жасаған NUR.KZ.

Қариялар үйлеріне қайтқысы келгенімен, өздерінің жақындары немесе мекен-жайы туралы бірде-бір ақпарат білмейді.

"Үйіме қайтқым келеді. Альфа мені күтіп қалған шығар. Үнемі менің жанымда жататын еді", - дейді Любовь Харламова

Бес әжейдің де жасы 60-тан асқан. Олардың барлығы немерелері, балалары барын айтқанымен әзірге әжейлерді ешкім іздеп келмеген.

Қазір оларға арнайы бөлме бөлініп, қарияларды мамандар күніне 4 рет тамақтандырады.

Жанна Жақыпбекова есімді қызметкердің айтуынша, олар күнде таңертең үйлеріне қайтқысы келетінін айтады екен.

"Егер бұл кісілерді танысаңыздар, жақындарын білсеңіздер бізге хабарласыңыздар", - деді Жанна Жақыпбекова.