Министр Қасымбек: Көпбалалы жанұяларға пәтер сертификаттары берілуі мүмкін
Опубликовано:
Индустрия және инфрақұрылымдық даму министрі Жеңіс Қасымбек көпбалалы отбасыларға арнайы пәтер сертификаттары берілуі мұмкін екенін мәлімдеді деп хабарлайды Almaty.tv арнасы.
Министрдің айтуынша, елімізде 28 000 көпбалалы отбасы бар. Өткен жылы осы санаттағы 700-ге жуық жанұя үйлі болған.
Сондай-ақ «7-20-25» бағдарлама аясында көпбалалы отбасыларға сертификат беру мәселесі қарастырылып жатқанын жеткізді.
Жыл сайын «7-20-25» бағдарламасы, «Тұрғынүйқұрылысжинақбанкі» бойынша жыл сайын 10 мыңнан астам пәтер беріледі екен.
«Елбасы әкімдіктерге көпбалалы жанұяларға тұрғын үй сертификаттарын беруді тапсырды. Осы орайда қазір заңға өзгерістер енгізіп жатырмыз. Екі-үш айда бұл заң қабылданады деп жоспарлап отырмыз. Осы заңның арқасында әкімдіктер бұл сертификатты үйге мұқтаж отбасыларға береді», – деді индустрия және инфрақұрылымдық даму министрі Жеңіс Қасымбек.
Мақаланың түпнұсқасы: https://kaz.nur.kz/society/1777174-ministr-kasymbek-kpbalaly-zanalarga-pter-sertifikattary-berilui-mmkin/
