RU

Шымкентте жоғалған төрт жасар бала үй маңындағы алаңнан табылды (фото)

Шымкентте жоғалып кеткен төрт жасар бала үй маңындағы алаңнан табылды деп хабарлайды KAZ.NUR.KZ.

Фото: NUR.KZ
Фото: NUR.KZ: Original

Баланың ата-анасы полицейлерге балақайдың далада ойнап жүргенін айтқан. Ол соңғы рет қақпа алдында бой көрсеткен. Одан кейін бүлдіршіннің қайда екенін анықтау мүмкін болмаған.

Фото: NUR.KZ
Фото: NUR.KZ: Original

Баланы іздеуге 500-дей полицей мен кинолог атсалысты. Түнгі екіге дейін жалғасқан іздеу жұмыстарына Шымкент Полиция департаментінің басшысы да қатысты.

Артынша Полиция департаменті баспасөз қызметінде хабарлағандай, балақай өз мекен-жайы маңындағы жазық даладан табылған.

"Балақайды жазық даладан тапқанда Алладан аман болуын сұрадық. Қорқып кеттік, ал жақындағанда тек ұйықтап жатқанын аңғардық. Ол өзін жақсы сезінеді",- деді полицейлер.

Баланы ата-анасына шымкенттік полицейлер табыстады. Ол өзін жақсы сезінеді.

Мақаланың түпнұсқасы: https://kaz.nur.kz/society/1783849-symkentte-zogalgan-trt-zasar-bala-j-mayndagy-alanan-tabyldy-foto/