"Тарихи сәт": Нұр-Сұлтанда "I Love Astana" жазуын алып тастады (фото, видео)

Нұр-Сұлтанның сол жағалауында орналасқан қала тұрғындары мен қонақтары суретке түсетін "I love Astana" алынып, орнына Nur-Sultan жазуы қойылды деп хабарлайды KAZ.NUR.KZ.

Жазудың ауыстырылып жатқан сәті әлеуметтік желідегі бірнеше топтарда пайда болды.

Елордалықтар бұны тарихи сәт деп бағалайтындарын және ескі жазуды алып жатқандарына өкінбейтіндерін жеткізді.

Мұны көрген желі қолданушылары "Жазуды қалдыруға болатын еді. "Астана" сөзі елдің бас қаласы деген мағынаны білдіреді", "Енді бәрі де жап-жаңа", "Ескі атаумен суретке түсіп үлгергенім қандай жақсы болды", "Тарихи сәттің бастамасы", - деген сынды пікірлерін қалдырды.