"Қара бет болдық": Той алдында қалыңдығы тастап кеткен жігіттің жеңгесі сырын айтты

Той алдында қалыңдығы тастап кеткен жігіттің жеңгесі сырын айтты. Ол түр десе түрі бар, жаман әдеттерден аулақ қайын інісінің қиналып жүргенін жеткізді деп жазады "Алаш айнасы".

"Екеуі 4 жыл жүрген екен, үйге таныстыруға алып келді. Біз мал сойып, жақсылап күтіп алдық. Керемет қыз екен, тәрбиелі, инаббатты, акылына көркі сай, намаз оқиды екен. Содан сөз байластық, екі жақ құдалар танысып, өлі-тірісін, қалың малын бердік.

Қызды жазда ұзататын болып, той да жаз айына қалды. Екі жақ та  тойға дайындалып жүргенімізде жастар  айырылысып кетіпті. Енді қайнымның жағдайына алаңдап тұрмын. Бүкіл ауыл, ағайын,туыс жазда келін түсірейін деп жатқанымызды біледі. Қара бет болдық десек те болады. Қанша дегенмен 4 жыл жүрген қызы, онай соғып тұрған жоқ, бізге білдіртпегенмен киналып жүр", -деді келіншек.

Қайнысына жаны ашыған әйел қыздарға ешкімнің көз жасына қалмау қажеттігін ескертті.