Елбасы: «Назарбаев Университеті» еліміздің брендіне айналды
Опубликовано:
Елбасы Нұрсұлтан Назарбаев «Назарбаев Университеті» дербес білім беру мекемесінің президенті Шигео Катсуды қабылдады деп хабарлайды Ақордаға сілтеме жасаған KAZ.NUR.KZ.
Кездесуде Қазақстанның Тұңғыш президентіне «Назарбаев Университетінің» қазіргі даму барысы және жоғары оқу орнының түлектеріне бесінші рет диплом тапсыру рәсіміне дайындық жұмыстары туралы мәлімделді.
"Бізде халықаралық деңгейдегі университет болады дегенге көбісі сенбеп еді. Міне, көп жылдан бері осындай университеттің ректорысыз. Жоғары оқу орнының зияткерлік әлеуеті – оқу орнының деңгейін көтеріп жатқан ғалымдар бар. «Назарбаев Университеті» Қазақстанның брендіне айналды", – деді Елбасы.
Кездесу қорытындысы бойынша Нұрсұлтан Назарбаев бірқатар тапсырма берді.
Мақаланың түпнұсқасы: https://kaz.nur.kz/society/1794969-elbasy-nazarbaev-universiteti-elimizdi-brendine-ajnaldy/
