Шымкент-Леңгір тас жолында жұмысшыны көлік қағып кетті

ВАЗ автокөлігінің жүргізушісі Шымкент-Леңгір тас жолында коммуналдық кәсіпорын қызметкерін қағып кетті. Ер адам оқиға орнында көз жұмды деп хабарлайды Otyrar.kz-ке сілтеме жасаған KAZ.NUR.KZ.

Оқиға бүгін, 21 мамыр күні болған.

Басылымның хабарлауынша, көлікті қағып кеткеннен кейін ол бетон қоршауына қарай бұрылып, аударылып қалды.

Жүргізуші 51 жастағы ер азаматты ағаш суарып тұрған кезде қағып кеткен.

Полиция тергеу жүргізуде.

Апатқа кінәлі адам ауруханаға жеткізілді.