ШҚО-да ресейлік екі азамат суық қарумен ұсталды

Семей шекара отрядының "Ауыл-авто" өткізу бөлімшесінде Ресейден Қазақстанға "Новокузнецк-Алматы" бағытымен жүрген 1992 және 1989 жылғы екі ресейлік азамат ұсталды деп хабарлайды ҚР ҰҚК ШҚ баспасөз қызметіне сілтеме жасаған KAZ.NUR.KZ.

Оқиға бүгін, таңғы 9:00 шамасында болған.

Азаматтардың біреуіне тиесілі "Лада Ларгус" көлігін тінту кезінде жүктердің арасынан екі қорапқа салынған 442 дана түрлі пышақ және Ф-1 гранатасы табылды. Олардың айтуынша, граната тек муляж еді.

Табылған пышақтар мен граната Бородулиха аудандық полиция бөлімінің сарапшыларына тапсырылды.