Астаналықтар сайлауға келген Елбасының қолын алу үшін оны қоршап алды (фото)

Елбасы Нұрсұлтан Назарбаев елордадағы №58 сайлау учаскесіне келіп, өз даусын берді. Тұңғыш президентті көрген қала тұрғындары оның қолын алу үшін жан-жағынан қаумалап, қоршап алды деп хабарлайды KAZ.NUR.KZ.

Нұрсұлтан Назарбаев өз кезегінде барлығымен жылы амандасып, қол алысып жатты.

Кейін алфавит бойынша тізілген дауыс беретін орындарға қарай бет алды.

Тұңғыш президент дауыс беру парақшасын алып, өз таңдауын жасады.

Қала тұрғындары Елбасы сайлау учаскесінен кеткенше, соңынан еріп, жылы лебіздерін айтумен болды.

"Дауыс беруге жұбайымыз екеуміз келіп тұрмыз. Елбасыны көріп, қатты қуанып тұрмыз. Еліміз аман, жұртымыз тыныш болсын", - дейді қала тұрғындарының бірі.

Мақаланың түпнұсқасы: https://kaz.nur.kz/society/1798552-astanalyktar-sajlauga-kelgen-elbasyny-kolyn-alu-sin-ony-korsap-aldy-foto/