Шымкентте жыланмен суретке түспек болған жеткіншек ауруханадан бір-ақ шықты
Опубликовано:
Шымкенттік гипербариялық оттектеу бөліміне жаз басынан бері улы жәндіктер мен жорғалаушылардан жапа шеккен тоғыз науқас түсіпті. Солардың бірі 16 жастағы жасөспірім. Ол жыланмен суретке түсемін деп ауруханадан бір-ақ шыққан. Бұл туралы Отырар арнасына сілтеме жасаған KAZ.NUR.KZ хабарлайды.
Азат бауырымен жорғалаушыны тауда кездестірген.
"Қолымда фотоаппарат болған. Оны суретке түсірмек болып, мойныма салдым, сол кезде ол мені қолымнан шағып алды. Енді міне, ауруханада жатырмын", - дейді Азат.
Одан басқа ауруханада қарақұрт шаққан алты адам және жыланнан зардап шеккен үш адам жатыр. Осы орайда мамандар аяқ-кимге мән беру керектігін айтады.
"Көкке шыққан кезде жабық аяқ киім киген дұрыс", - дейді токсикология бөлімінің меңгерушісі Асылхан Мыңбосынов.
Биыл маусым айының басынан бері құтқару қызметіне тұрғында 26 мәрте жүгінген. Бұл былтырғы жылмен салыстырғанда едәуір жоғары екен.
Мақаланың түпнұсқасы: https://kaz.nur.kz/society/1800270-symkentte-zylanmen-surtke-tspek-bolgan-zetkinsek-auruhanadan-bir-ak-sykty/
