Атырау облысында мас жүргізуші көшеде ойнап жүрген 11 жастағы баланы қағып кетті
Опубликовано:
16 маусым күні кешке Атырау облысы Қызылқоға ауданы Миялы ауылында көшеде ойнап жүрген 11 жастағы баланы "Ваз-2107" автокөлігі қағып кетті деп хабарлайды "Ақ Жайық".
Жеткіншек алған жарақаттары салдарынан ауруханада қаза болды.
"Бала басынан қатты соққы алған. Еш көмектесе алмадық", - дейді аудандық аурухананың дәрігері Жайнагүл Ермекбай.
Жол апатына себепкер болған көлікте 30 жастағы мас жүргізуші отырғаны анықталды.
Қазір азаматқа қатысты қылмыстық із қозғалды. Күдікті уақытша қамауға алынды.
Мақаланың түпнұсқасы: https://kaz.nur.kz/society/1800410-atyrau-oblysynda-mas-zrgizusi-ksede-ojnap-zrgen-11-zastagy-balany-kagyp-ketti/
