Зымырандар мен оқ-дәрілер: Жарылыс болған Арыстағы қоймада не сақталды?

Қорғаныс министрлігінің өкілі Бахтияр Жантелеев "Хабар" телеарнасының эфирінде бүгін жарылыс болып өткен Арыс қаласындағы әскери бөлім қоймаларында нақты не сақталғанын айтты деп хабарлайды KAZ.NUR.KZ.

"Бұл арнайы әскери бөлім, түрлі калибрлі мен әртүрлі мақсаттағы зымырандардың белгілі бір қоры сақталған арсенал.

Онда артиллериялық оқ-дәрілер, минометті атулар, реактивті жүйелердің оқ-дәрілері сақталған. Негізінен жалпы әскери мақсаттағы оқ-дәрілер", - деп түсіндірді Жантелеев.

Естеріңізге сала кетсек, бұдан бұрын Қорғаныс министрі Нұрлан Ермекбаев Арыс қаласында әскери бөлім аумағында радиоактивті оқ-дәрілердің болмағанын, "радиацияның ешқандай қаупі жоқ" екенін мәлімдеген еді.