Ермекбаев: Арыстағы арсенал жойылады (видео)
Опубликовано:
Қазіргі уақытта Арыста жүрген Қорғаныс министрі Нұрлан Ермекбаев оқ-дәрілер сақталған қойма жойылатынын мәлімдеді деп хабарлайды Otyrar.tv арнасына сілтеме жасаған KAZ.NUR.KZ.
Ермекбаевтың сөзінше, барлық Қазақстаннан келген 500 сапер қала аумағын сынықтар мен оқ-дәрілерден тазартқан. Қазір Арысқа ешқандай қауіп төніп тұрған жоқ.
Одан бөлек, министрдің айтуынша, саперлер снарядтар мен зымырандарды емес, олардың бөліктерін тазалауға мәжбүр болған. Жарылғыштар мен тұтандырғыш снарядтардан бөлек сақталған.
Қаладағы радиациялық және химиялық жағдайды арнайы бөлімшелер сағат сайын тексереді. Ауа жағдайын Экология министрлігінің қызметкері қадағалайды.
Ермекбаевтың сөзінше, қала радиация тұрғысынан мүлде қауіпсіз.
"Арыстағы арсенал жойылады. Қалған инженерлік оқ-дәрілер Қазақстандағы басқа қоймаларға бөлінеді", - деді Қорғаныс министрі.
Басылым ақпаратына сәйкес, Арыстан жалпы есепте оқ-дәрілердің 5,7 мың бөлігі шығарылған. Ұшқышсыз ұшақтар қала аумағы мен жақын аймақтарды тексеруді жалғастыруда.
Мақаланың түпнұсқасы: https://kaz.nur.kz/society/1802125-ermekbaev-arystagy-arsenal-zojylady-video/
