"Мас болды": Қостанай облысында тепловоз ер адамды қағып кетті

Қостанай облысында тепловоз машинисті ер адамды соғып кетті деп хабарлайды Костанайские новости сайтына сілтеме жасаған KAZ.NUR.KZ.

Аймақтық төтенше жағдайлар департаменті баспасөз қызметінің мәліметінше, оқиға 7 шілдеде болған.

"Машинист тепловозды тоқтата алмады. Нәтижесінде Қостанай қалалық ауруханасының жарақаттану бөліміне 1980 жылы туған ер адам түсті", - деді ведомствоның баспасөз қызметі.

Сондай-ақ, оның мас болғаны, алғашқы медициналық көмек көрсетілгені айтылды.

ТЖК хабарлауынша, жәбірленуші ауруханадан өз еркімен белгісіз бағытқа шығып кеткен.

Мақаланың түпнұсқасы: https://kaz.nur.kz/society/1803766-mas-boldy-kostanaj-oblysynda-teplovoz-er-adamdy-kagyp-ketti/