"44 градус ыстық": Түркістан облысында дауылдық ескерту жарияланды

Қазақстан бойынша аптап ыстыққа байланысты дауылдық ескерту жарияланды деп хабарлайды Zakon.kz сайтына сілтеме жасаған KAZ.NUR.KZ.

Синоптиктердің мәліметінше, 13-14 шілде күні Солтүстік Қазақстан облысында 36 градус ыстық болады. Дауыл ықтималдығы 90-95 %.

"13 шілдеде күндіз Шығыс Қазақстан облысының кей жерлерінде 30-35° аптап ыстық болады, күн күркірейді, бұршақ жауады. 13 шілдеде таңертең және күндіз Қызылорда облысында солтүстік-шығыс, шығыс желдің екпіні 23 м/с болады. Дауылдың ықтималдығы 95-100 %", - делінген хабарламада.

Сонымен қатар 13 шілде күні Түркістан облысының көп бөлігінде 40-44 градус ыстық сақталады деп күтілуде.

13-15 шілде күндері ауа температурасы Шымкентте 41 градус, ал Түркістан облысында 41-43 градустан жоғары болмақ.

Мақаланың түпнұсқасы: https://kaz.nur.kz/society/1804418-44-gradus-ystyk-trkistan-oblysynda-dauyldyk-eskertu-zarialandy/