Маңғыстау облысында жол апатынан жүкті әйел адам қаза тапты

Маңғыстау облысында жантүршігерлік жол апаты болып бірнеше адам зардап шекті. Оқиға салдарынан жүкті әйел адам қаза тапты деп хабарлайды Lada.kz-ке сілтеме жасаған KAZ.NUR.KZ.

Оқыс оқиға Ақтау - Құрық тас жолында 24 шілдеде орын алды.

Жол апатынан бірнеше ересек адам мен екі бала зардап шекті.

Облыстық денсаулық сақтау басқармасының баспасөз қызметінің мәліметінше, көліктің бірінде болған жүкті әйел адам оқиға орнында қайтыс болған.

Ведомство 6 және 10 жастағы екі қыз облыстық балалар ауруханасына жеткізілгенін мәлімдеді.

Дәрігерлердің сөзінше, балаларға ота сәтті жасалған.

"Қыздардың жағдайы ауыр", - деді денсаулық сақтау басқармасы.