Қазақстандық шенеуніктерге импорттық көлік сатып алуға тыйым салынды

Қазақстан үкіметі елдегі мемлекеттік органдарға импорттық көліктерді сатып алуға екі жылға тыйым салу туралы қаулыға қол қойды. Бұл туралы "ҚазАвтоӨнеркәсіп" баспасөз қызметі хабарлады деп жазады KAZ.NUR.KZ.

Мекеме таратқан ақпаратқа сәйкес, "Мемлекеттік сатып алулар" туралы Заңның 14 бабына сәйкес, енді тек Қазақстанда шығарылмаған шетелдік тауарды ғана сатып алуға болады екен.

Бұдан бөлек енді конкурсқа "CT-KZ" тауары үлгісінде жасалған сертификаты бар отандық компаниялар ғана жіберіледі.

Аталған талаптың шетелдік тауарға да қатысы бар.

Қаулы өз күшіне енген және ол екі жыл бойы қолданыста болмақ.

"Құжат "СТ-КZ" үлгісіндегі сертификаты бар, тек отандық тауар өндірушілерден тауарды жалға алуға және мемлекеттік сатып алуларды жүргізуді көздейді", - деп жазылған хабарламада.

"ҚазАвтоӨнеркәсіп" Қазақстанның автокөлік саласы мекемелері кеңесінің стратегиялық жоспарлау жөніндегі директоры Артур Мискарянның айтуынша, республикада шеледік баламаларынан кем түспейтін, жеңіл көліктердің 60-тан астам түрі шығарылады.

"Тағы бір маңызды жаңалық отандық тауар өндірушісінен тауар алған экономикалық тұрғыдан барынша тиімді болып отыр", - деп атап өтті ол.

Сонымен бірге оның сөзінше, "СТ-КZ" сертификатының бар болуы туралы талап – мемлекеттік сатып алулардың ашықтығын әрі оның әділ өтуін қамтамасыз етеді екен.

Мақаланың түпнұсқасы: https://kaz.nur.kz/society/1807984-kazakstandyk-seneunikterge-importtyk-klik-satyp-aluga-tyjym-salyndy/