Алматыда Land Cruiser Әл-Фараби даңғылындағы жол бөлгіштерді қиратты
Опубликовано:
Оңтүстік астананың Әл-Фараби даңғылы мен Жароков көшесі қиылысында жол апаты орын алды. Land Cruiser Prado 200 жүргізушісі жол бөлгіштерді қиратып, қарсы бетте келе жатқан Toyota Corolla көлігіне соқтығысқан. Жеңіл көліктің рөлінде отырған қыз бала ауыр жарақат алып, ауруханаға жеткізілді деп хабарлайды Zakon.kz-ке сілтеме жасаған KAZ.NUR.KZ.
Куәгерлердің айтуынша, 2 жол талғамайтын көлік жоғары жылдамдықпен Әл-Фараби бойында батыс бағытқа қарай жарысқан.
Land Cruiser бұрылыс кезінде жол бөлгіштерді бұзып өтіп, қарсы бағытқа шығып кетті.
Жол апаты салдарынан жеңіл көлік жүргізушісі ауыр жарақат алған. Оны ауруханаға жеткізді.
Куәгерлердің бірі жол талғамайтын көліктің мемлекеттік нөмір тақпағанын айтты.
Мақаланың түпнұсқасы: https://kaz.nur.kz/society/1808887-almatyda-land-cruiser-l-farabi-dagylyndagy-zol-blgisterdi-kiratty/
