Мемлекет басшысы қазақстандық ата-аналарға жүгінді

Қасым-Жомарт Тоқаев мұғалімдердің тамыз конференциясында қазақстандық ата-аналарға үндеу жолдады. Мемлекет басшысы барлық жауапкершілікті мектептер мен балабақшаларға жүктеудің қажеті жоқ екенін айтты деп жазады KAZ.NUR.KZ.

Президент атақты ұстаз Сухомлинскийдің "күн бір тамшы суда көрінетіндіктен, ана мен әкенің адамгершілік тазалығы балалардан көрінеді" деген сөзін келтіріп, "баланы отбасының айнасы" деп атады.

"Балаларымыздың білімі мен тәрбиесі үшін барлық жауапкершілікті балабақша мен мектепке жүктеуге болмайды. Баланың тұлғасы дәл отбасында қалыптасады.

Ата-аналар бұны есте сақтап, баланы мұғалімдердің еңбегіне құрметпен қарауға тәрбиелеу керек", - деді мемлекет басшысы.