Top.Mail.Ru

Сайт нұсқасы

ru kz

Зектілері

Назарбаев қазақстандықтарды Шахтер күнімен құттықтады

Опубликовано:

Қазақстанның Тұңғыш президенті – Елбасы Нұрсұлтан Назарбаев қазақстандықтарды Шахтер күнімен құттықтады. Құттықтау сөз Елбасының жеке сайтында жарияланды деп хабарлайды KAZ.NUR.KZ.

Фото: Ақорда
Фото: Ақорда: UGC

Құрметті көмір өндіру саласының еңбеккерлері мен ардагерлері!

Сіздерді Шахтер күнімен құттықтаймын!

Мен кеншілерге әрдайым зор құрметпен қараймын, өйткені шахтер еңбегінің бейнеті маған жақсы таныс.

Бұл мамандық қашанда темірдей төзім мен жауапкершілікті, жанқиярлық пен қайсарлықты талап етеді. Сондықтан да сіздер қажырлы еңбектеріңіз арқылы қоғамда шынайы құрметке бөленіп  келесіздер.

Көмір өндірісі біздің индустриямыздың берік негізі екенін нық сеніммен айтуға болады. Бұл саланың еңбеккерлері оны дамытуға қосқан қомақты үлестерін, өз жұмыстарының нәтижесін орынды мақтаныш ете алады.     

Алдағы уақытта да отандық экономиканың тиімді өркендеуіне және елдің энергетикалық әлеуетінің нығаюына атсалыса  бересіздер деп кәміл сенемін.

Сіздерге мықты денсаулық, табыс пен игілік, отбасыларыңызға бақ-береке тілеймін!

Мақаланың түпнұсқасы: https://kaz.nur.kz/society/1812741-nazarbaev-kazakstandyktardy-sahter-knimen-kttyktady/

pixel