Бокстан әлем чемпионаты: Қазақстан қоржынына қола медаль түсті
Опубликовано:
Ресейдің Екатеринбург қаласында өтіп жатқан бокстан әлем чемпионатында Қазақстан құрамасы алғашқы медалін жеңіп алды. 52 келіде жұдырықтасқан Сәкен Бибосынов ел қоржынына қола жүлдені салған деп хабарлайды Olympic.kz.
Сәкен Бибосынов жартылай финалда үндістандық Амит Пангалмен кездескен болатын.
Айта кетейік, үнді боксшысы – Азия чемпионы әрі 2018 жылғы Азия ойындарының жеңімпазы.
Дегенмен, қазақстандық боксшы тәжірибелі қарсыласынан қаймыққан жоқ. Үш раунд бойы үндістандыққа біраз соққы дарытқан Сәкенге сәл ғана тәжірибе жетпей қалған.
Төрешілер 3:2 есебімен жеңісті үнді боксшысына берді.
Осылайша, Сәкен Бибосынов алғаш рет қатысып отырған әлем чемпионатының қола жүлдесін қанжығасына байлады.
Мақаланың түпнұсқасы: https://kaz.nur.kz/society/1817960-sken-bibosynov-bokstan-lem-cempionatyny-kola-zldegeri-atandy/
