12 градус аяз: Ақмола облысында екі адамның денесі табылды

Ақмола облысында көшелерден екі адам өлі күйінде табылды. Олардың бірі Щучинск, екіншісі Степногорск қаласының тұрғыны деп хабарлайды KAZ.NUR.KZ.

Полицияның мәліметінше, Щучинск қаласындағы автобус аялдамасының жанынан табылған тұрғының денесінде ешқандай зорлық-зомбылық белгілері жоқ.

Өлімнің алдын-ала себебі - ағза салқын тию.

Сол түні Степногорск қаласынан тұрғылықты мекен-жайы болмаған тағы бір ер адам табылған.

Марқұмның денесінде зорлық-зомбылық белгілері болмаған. Алдын ала болжам бойынша, оған да салқын тиген.

Айта кетейік, Ақмола облысында соңғы күндері ауа температурасы 12 градусқа аязға дейін төмендеген.

Мақаланың түпнұсқасы: https://kaz.nur.kz/society/1823416-12-gradus-aaz-akmola-oblysynda-eki-adamny-denesi-tabyldy/