Сол жағалауда электр энергиясы жоқ кезде Ақорданың жарығы неге сөнбеген

Нұр-Сұлтан әкімдігі елордалық билікке жарықты ең алдымен Ақордаға қайтару туралы бұйрық түсті ме деген сауалға жауап берді деп хабарлайды KAZ.NUR.KZ.

"Барлық әкімшілік ғимараттарда автоматты түрде қосылатын қосымша үлкен апаттық дизельді генератор бар.

Әрбір ғимаратта, олардың техникалық регламенттеріне сәйкес, жеткізілімнің бір түрі бар - дизель отыны мен мазутты апта сайын немесе 10 күндік жеткізу. Сондықтан, бұл ғимараттар жедел апаттық режимге қосылды және Ақорданы алғашқы боп қосу туралы тапсырма болған жоқ", - деді ОЭК және ТКШ басқарма басшысы Ернат Базил.

Оның айтуынша, басты міндет тұрғын-үй кешендерін жарыққа қосу болған. Оның үстіне жексенбі күні әкімшілік ғимараттарда күзетшіден басқа ешкім болмаған.

"Адамдар - біз үшін бірінші кезекте. Оның үстіне бұл сенбіден жексенбіге қарағанда, ғимараттарда күзетшіден басқа ешкім болмаған кезде болды - ал жексенбі күні адамдардың бәрі үйлерінде болған, сондықтан біз үшін үйлерді қосу маңызды болды", - деді ведомство басшысы.

Еске сала кетейік, Нұр-Сұлтан қаласы сол жағалауының бірнеше бөлігінде Байтеректен бастап Әбу-Даби Плазаға дейін, Ақордадан бастап Москва бизнес орталығына дейінгі аумақта жарық өшкені мәлім болды.

Мемлекет басшысы Қасым-Жомарт Тоқаев үкіметке арнайы комиссия құрып, кінәлілерді анықтауды тапсырды.

Ішкі істер министрлігі апатқа қатысты қылмыстық іс қозғалғанын мәлімдеді.