БАҚ: Қордай ауданындағы қанды оқиғадан қаза тапқандар саны онға жетті

Жамбыл облысы Кордай ауданындағы жаппай төбелес пен тәртіпсіздіктерден қаза тапқандар саны 10 адамға дейін жетті. Зардап шеккен 40 адамның басым көпшілігі оқ жарақаттарын алған деп хабарлайды KAZ.NUR.KZ.

Мұндай ақпаратты арнайы құрылған штаб өкілдері «Хабар 24» арнасының тілшілеріне жеткізген.

Айта кетейік, бұған дейін жаппай тәртіпсіздіктер салдарынан 8 адам қаза тапқаны туралы хабарланған болатын.

Қордай ауруханасында қазір түрлі жарақат алған 27 адам ем қабылдап жатыр. Бұл зардап шеккендердің үлкен бір бөлігі екен.

8 ақпан күнгі ішкі істер министрі жариялаған ресми мәліметтерге сәйкес, 40 адам зардап шеккені мәлім болған еді.