"Наконец-то": Бекшиннің коронавирусқа қатысты сөзі желіде талқыға түсті

Кеше, 10 наурызда алдағы күндері еліміздің аумағына әлем жұртшылығын дүрліктірген коронавирустың келетіні туралы белгілі болды. Бұл туралы бас санитар дәрігер Жандарбек Бекшин мәлімдеген деп жазады KAZ.NUR.KZ.

Бұл ақпарат тез танымалдылыққа ие болды. Ел тұрғындары 115 мемлекетте тіркелген қауіпті дерттің пайда болатынына емес, маманның коронавирустың Қазақстанға қай уақытта келетінін айтқанына таңғалды.

Желі қолданушылары аталған тақырыпта неше түрлі жазба жариялап, видео түсіріп, пікір қалдырып бас санитардың сөзін сынап, әзілдеді.

Еске сала кетсек, еліміздің бас санитары болжам бойынша қатерлі аурудың 11-16 наурыз аралығында еліміздің аумағында тіркелуі мүмкін екенін атап өтті.

Ал денсаулық сақтау министрі Елжан Біртанов осыған байланысты пікір білдірді.

Ол әлем бойынша коронавирус инфекциясы 115 елге таралғанын алға тартты.

Министрдің сөзінше, олардың арасында бізге көршілес мемлекеттер және тікелей әуе қатынастарын орнатқан елдер де бар.

"Бәріміз сыртқы әлемнен толық оқшауланудың мүмкін еместігін түсінеміз. Еліміздің аумағына инфекцияның енуі ықтимал екенін де жоққа шығармаймыз", - деді Біртанов.

Ең маңызды әрі қызықты жаңалықтарды біздіңTelegram арнамыздан оқыңыздар!