Коронавирус: Алматыда науқастармен байланысқан шетелдіктер іздестірілуде

Алматы бас санитар дәрігерінің орынбасары Әсел Қалықова науқастармен байланысқан адамдар жедел медициналық жәрдем ауруханасына жеткізілетінін мәлімдеді. Емдік шараларға мұқтаж науқастар да сонда болады деп хабарлайды KAZ.NUR.KZ.

Оның сөзінше, мамандандырылған қызметкерлер қазір екі-үш шетелдік азаматты іздеп жатыр.

"Бүгін оларды табамыз. Басқа байланыс тұлғалары табылып, ауруханаға жатқызылды. Егер транзит Ресей арқылы келсе, біз олардың қайдан ұшып келгенін анықтап, үй мен стационарлық карантинге жатқызамыз.

Алдын-алу шаралары жүргізілуде. Инкубациялық уақыт 14 күн, сол уақыт аралығында анықталуы мүмкін", -деді ол.

Айта кетейік, соңғы мәліметтер бойынша Қазақстанда коронавирус жұқтырған алты адам тіркелді. Олардың төртеуі - Алматы қаласында болса, екеуі-Нұр-Сұлтан қаласында.

Естеріңізге сала кетейік, Ішкі істер министрі Ерлан Тұрғымбаев ІІМ басшылығының, оның қызметтерінің, сондай-ақ полиция, төтенше жағдайлар департаменттерінің, қылмыстық-атқару жүйесінің және Министрліктің оқу орындары басшыларының қатысуымен бейнеселекторлық кеңес өткізді.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1845403-koronavirus-almatyda-naukastarmen-bajlanyskan-seteldikter-izdestirilude/